×

×

உலகின் முதல் மாற்றுத்திறனாளிகளால் இயக்கப்படும் ( BIKE TAXI )

இந்தியாவின் முதல் ( BIKE TAXI ) பைக் சவாரி சேவையும் இதுவே.

ஏன் மா உலாவில் பயணிக்க வேண்டும் ?

விரைவு மற்றும் பாதுகாப்பு

விரைவாக செல்ல ஒரு எளிய வழி தேடி ஓடும் மக்களுக்காக இந்த மா உலா சேவை தொடங்கியது. விரைவாக சென்றாலும் அதிலும் பாதுகாப்பு மிக முக்கியம் என்பதையும் கருத்தில் கொண்டு பின் இருக்கையிலிருந்து பயணிப்பவருக்கும் தலைகவசம் அளிக்கும் சிறப்பான சேவை.

விரும்பும் இடத்தில், விரும்பும் நேரத்தில்

எங்கு இருந்து அழைத்தாலும் அந்த இடத்திற்கு சென்று அவர்கள் விரும்பும் நேரத்தில் சரியான சேவையை மா உலா செயல்படுத்தி வருகிறது. விரும்பிய இடத்திலும் விரும்பிய நேரத்திலும் சேவை செய்வதே இந்நிறுவனத்தின் சிறப்பம்சமாகும்.

எளிய உலா எளியவர்களுக்கான உலா

எளியவர்களின் பொருளாதார நிலைக்கு ஏற்றவாறு எளிமையாக அணுகக்கூடியவர்களை கொண்டு நடத்தப்படும் மா உலா எளியவர்க்கும், வலியவர்க்கும் எளிய உலாவாக அமைகிறது.

மாற்று போக்குவரத்து மாற்றும் போக்குவரத்து

அதிக ஊர்தி போக்குவரத்து நிறைந்த சாலைகளில் விரைவாக செல்ல மாற்று போக்குவரத்து இன்றியமையாதவையாக அமைகிறது. அந்த போக்குவரத்து சிக்கலை மாற்று வழி வாயிலாக மாற்றியமைப்பதே இந்த மா உலா சேவை.

அவசரம் ஆனால் அவசியம்

இன்றைய அவசர உலகில் விரைவாக ஒரு இடத்திலிருந்து இன்னொரு இடத்திற்கு செல்ல போக்குவரத்து வசதி மிகவும் அவசியம் அந்த அவசரத்தின் அவசியத்தை உணர்ந்தே மா உலா நிறுவனம் செயலாற்றி வருகிறது.

இரவு உலா இனிய உலா

இரவில் தனிமனிதனாக ஒரு இடத்திலிருந்து இன்னொரு இடத்திற்கு செல்ல வேண்டுமானால் அதிக தொகை செலவு செய்ய வேண்டிய நிலையுள்ளது. இதனை எளிமையான வழியாக மாற்றவே மா உலா சேவை தொடங்கப்பட்டுள்ளது. இரவு உலா இனிமையான உலாவாக அமைய மா உலாவில் பயணியுங்கள்.

மா உலாவில் ஏன் இணைய வேண்டும்

மா உலா நிறுவனம் பல்வேறுபட்ட மாற்றுத்திறனாளிகளின் வாழ்வாதாரத்தை உயர்த்துவதற்காக தொடர்ந்து 4 – ஆண்டுகளாக செயல்பட்டு வருகிறது. இந்த நிறுவனமானது கால்கள் பாதிப்படைந்த மாற்றுத்திறனாளிகளின் வாழ்வாதாரத்தை மேம்படுத்தும் முயற்சியில் தன்னை முழுவதுமாக ஈடுபடுத்திக்கொண்டுள்ளது. இதில் குறிப்பிடத்தக்க விசயம் என்னவென்றால் இந்த மா உலா நிறுவனமானது இதுவரை மூன்றரை ஆண்டுகளாக மாற்றுத்திறனாளிகளிடமிருந்து ஒரு ரூபாய் கூட வாங்கவில்லை என்பது இதன் சிறப்பம்சமாகும்.

மேலும் மாற்றுத்திறனாளிகள் கல்வி அளவிலும் பொருளாதார அளவிலும் சமூகத்தில் பின்தங்கியிருப்பது குறிப்பிடத்தக்கது ஆகவே அவர்களுடைய வாழ்வாதாரத்தை மேம்படுத்துவதற்காக இந்த மா உலா என்ற நிறுவனத்தை ஏற்படுத்தி மாற்றுத்திறனாளிகளுக்காக சேவையாற்றி வருகிறது. இந்த திட்டம் மாற்றுத்திறனாளிகளுக்கு தங்களின் வாழ்வாதாரத்தை மேம்படுத்த உதவுவதோடு மாற்றுத்திறனாளிகள் தன்மானத்தோடு வாழ வழிவகுக்கும். ஒரு மாற்றுத்திறனாளி பொருளாதாரத்திற்காக யாரையும் சார்ந்து வாழாமல் தன்மானத்தோடு தன் வாழ்க்கையை வாழ இந்த மா உலா திட்டத்தில் இணைந்து பயணிப்பதே ஆகச் சிறந்த வழியாகும்.

இலவச பதிவு

சமீபத்திய செய்திகள்

மதுராந்தகத்தில் மா உலா வேலை வாய்ப்பு முகாம்
14, Jan 2020

 13/01/2020 அன்று we are your voice - நிறுவனம் மதுராந்தகத்தில் நடத்திய மாற்றுத்திறனாளிகளுக்கான சுய வேலை வாய்ப்பு முகாமில் மா உலா நிறுவனம் பங்கேற்றது. இதில் மா உலா நிறுவனத்தில் சுமார் 12 பேர்கள் இணைந்தனர். மேலும் பலர் மா உலா விண்ணப்பங்களை பெற்றுச் சென்றனர். இதனிடையே அங்கு வந்த மாவட்ட ஆட்சியர் ஜான் லூயிஸ் .IAS அவர்கள் மா உலா திட்டத்தைப் பற்றி கேட்டறிந்து, இது சிறப்பான திட்டம் என்று மா உலா நிறுவனர் முனைவர் சே.ப. முகம்மது கதாபி அவர்களை கைகொடுத்து பாராட்டினார். இந்த நிகழ்வில் மா உலா முக்கிய நிர்வாகிகள் பங்கேற்றனர். இந்நிகழ்வை ஏற்பாடு செய்ய We are your voice - நிறுவனத்தின் நிறுவனர் திரு. பாசித் மற்றும் அந்நிறுவனத்தின் நிர்வாகிகளுக்கும் மா உலா நிர்வாகத்தின் சார்பாக மனமார்ந்த நன்றியை தெரிவித்துக் கொள்கிறோம்.

இப்படிக்கு

மா உலா நிர்வாகம்
மதுரையில் புரிந்துணர்வு ஒப்பந்தம்
28, Dec 2019

25-12-2019  மதுரையில் மா உலா நிறுவனத்திற்கும் சரவணா மூலிகை சிக்கன் நிறுவனத்திற்கும் ஒரு புரிந்துணர்வு ஒப்பந்தம் கையொழுத்திடப்பட்டது. இதன் மூலம் மதுரையைச் சேர்ந்த மா உலா ஓட்டுனர்கள் பயனடைவார்கள். உடன் மா உலா மதுரை நிர்வாகிகள் இருந்தனர்.

விரைவில் புது டில்லியில் மா உலா திட்டம் தொடங்கும்
19, Nov 2019

புது டில்லியில் மா உலா திட்டத்தின் கலந்தாய்வு கூட்டம் சிறப்பாக நடைபெற்றது. இதில் மா உலா திட்டம் புது டில்லியில் எப்படி செயல்படுத்துவது போன்ற கருத்துக்கள் விவாதிக்கப்பட்டன. சில மாறுதல்களுடன் மா உலா திட்டம் புது டில்லியில் விரைவில் தொடங்கப்படும் என்று மா உலா திட்ட நிர்வாக இயக்குனர் முனைவர் சே.ப. முகம்மது கதாபி தெரிவித்தார்.